|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан фармацевтикалық қызметті қолдау және дамыту қауымдастығының президенті Марина Дурманова дәрі-дәрмек бағасының қымбаттауына байланысты түсінік берді.
Онлайн-брифинг барысында Марина Дурманова дәрілік заттарға шекті баға Денсаулық сақтау министрлігінің № 104 бұйрығында бекітілгенін және оларды ешкім бұзбағанын айтты.
"Өзін құрметтейтін кез келген кәсіпкер оны бұзбайды. Себебі бұл әрекет үшін айыппұл қарастырылған, ал дерек қайталанса, алты айға лицензия тоқтайды. Мысалы, бұрын парацетамол 70-80 теңге тұрса, дәріхана 128 теңгеге дейін көтере алады, себебі бұл оның шекті бағасы. Бірақ дәріханалық ұйымдардың ешқайсы бағаны көтермеді. Бағаның өсуі туралы әңгіме бар, иә. Бірақ шекті бағаны бұзғандар болған жоқ", - деп түсіндірді Марина Дурманова.
Сондай-ақ, Алматы қаласы әкімінің орынбасары Сапарбек Тұяқбаев дәріханалардағы бағаны күніне екі рет бақылайтын мониторинг тобы бар екенін атап өтті. Алматы қаласының тұрғындары препарат шұғыл қажет болған және дәріханаларда бағаның қымбаттауын байқаған жағдайда Call-орталыққа хабарласа алады.
Алматы қаласы бойынша Call-орталық нөмірлері:
+7 (775) 882 52 00
+7 (775) 882 53 92
+7 (775) 882 53 12
+7 (775) 882 54 16
+7 (775) 882 56 49
