|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ұлттық банк қазақстандықтардың бейтаныс адамдарға ақшаларын беріп, жеке мәліметтерімен бөлісуіне себеп болған жаңа айлаларды айтып, азаматтарды сақ болуға шақырды, - деп хабарлайды Dauletten.kz.
Гүл жеткізу – алаяқтар қолданатын тағы бір айла. Алаяқтар жіберушісіз букет жолдап, кейін алушыға хабарласып, жеткізуді растау үшін SMS арқылы келген кодты сұратады.
Сәлемдеме туралы тағы бір айла. Сізге тапсырысыңыз пошта бөлімшесіне келгені туралы хабарлама келеді. Оны алу үшін жеке мәліметтеріңізді енгізу қажет болады. Мұндай анкета толтырғаннан кейін телефоныңыздағы ақпаратқа, соның ішінде банк қосымшаларына, алаяқтардың қолы жетуі мүмкін.
Келесі әдіс – хат-хабар жіберу арқылы жасалады. Сізге мессенджерлердің бірінде сурет жіберілуі мүмкін. Суретті ашқан кезде зиянды бағдарламасы бар орнату файлы (APK) іске қосылады. Осылайша, алаяқтар смартфоныңызға қол жеткізе алады.
- Сонымен қатар алаяқтар жасанды интеллект технологияларын қолдана отырып, туыстарыңыздың немесе жақындарыңыздың даусын немесе бейнесін имитациялайды. Олар қоңырау шалып немесе жазып, өздерін туыстарыңыз немесе таныстарыңыз ретінде таныстырып, түрлі себептермен ақша аударуды, сілтемеге өтуді, қосымшаны жүктеуді, мессенджердегі жаңа функцияларды қосуды немесе жеке деректерді айтуды сұрайды, – деп ескертті ведомство.
Ұлттық банк қазақстандықтарды сақ болуға шақырады: күмәнді сілтемелерді ашпауға, кез келген сұрауларды мұқият тексеруге және HopToDesk, RustDesk, RUDesktop, AnyDesk, TeamViewer секілді қашықтан қол жеткізу қосымшаларын орнатпауға кеңес береді.
