|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Индустрия және инфрақұрылымдық даму министрлігі «конкурстық негізде өткізілетін пәтерлер ұтысы» туралы ақпараттың жалғандығын айтып, алаяқтарға алданбауға шақырады.
ИИДМ баспасөз қызметінің мәлімдеуінше, алаяқтар өздерін ведомство қызметкерлері ретінде таныстырып, министрлік жергілікті атқарушы органмен бірлесе отырып конкурстық негізде пәтерлердің ұтысын өткізетіні туралы айтып, тұрғындарға хабарласқан. Олар мемлекеттік органға «қаржылай берешегі» туралы мәлімдеп, ол өтелген жағдайда азамат конкурстық негізде «пәтер алатыны» туралы айтқан.
Министрлік аталмыш ақпаратты ресми түрде жоққа шығарады. Себебі, тұрғын үй беру мәселесі жергілікті атқарушы органдардың құзыретінде. Ол санаттарға сәйкес және кезекке қою күніне байланысты бөлек тізімдермен жүзеге асырылады.
Мемлекеттік тұрғын үй қорынан тұрғын үй беру бойынша өзекті ақпаратты Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің Call-орталығынан ала алады.
Ведомства өкілдері, күмәнді жарнамаларға назар аудармай, арандатушылыққа жол бермей, тек ресми ақпарат көздеріне сенуге шақырады.
Фото: 7kun.kz
