|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Кезекті сұхбатымыз бірнеше кәсіпті дөңгелетіп жүрген, «AllStroy» құрылыс дүкенінің директоры, көлікті сату және жалға берумен айналысатын кәсіпкер Жандар Сыдықовпен болады. Қарапайым отбасынан шыққан азамат кәсібін қалай бастады? Шетелдегі кәсібі мен алдағы мақсаттары туралы толығырақ Dauletten.kz сайтынан оқи аласыздар.
– Мен өзім қарапайым отбасынан шыққан азаматпын. Әкем өмірден ерте кеткеннен кейін жалғыз басты анам үшін мені және ағамды асырап, бізге білім беру қиынға соқты. Заңгер мамандығын оқып, диплом алған соң мемлекеттік мекемеде қызмет еттім. Бірақ ол жердің айлығы, шайлығыңа жетпейді. Сол жерде жұмыс жасап жүріп, 200 мыңдай қаражат жинап, алғашқы кәсібімді бастадым.
– Алғашқы тапқан табысым есімде, ал соңғы тапқан табысым есімде жоқ (күлді). Айырмашылық осында деп ойлаймын. Алғашқы тыбысым мен соңғы табысымның айырмашылығы бар әрине. Бірақ ол кезде қанша қаражат тапсам да, қазір қанша тапсам да соғұрлым қайырымдылықпен айналысамын. Айта кететін жайт, неғұрлым адамдарға көп көмектессең, оның жақсылығы екі-үш есе болып қайтатынына көзім жетті.
Тағы бір айырмашылығы, ол кезде шетел аралауға, көпті көреуге ақша жетпеді. Бірақ ол кездің өз жылулығы бар, қызығы мол болды. Уақыттың да жеткілікті екенін сездім. Ал қазір табыс көп тапқан сайын, уақытта жылдам өтіп бара жатқандай.
– Иә, құдайға шүкір бес кәсіптің басын дөңгелетіп отырмын. Олар: құрылыс материалдарын сататын дүкен, Астана қаласында және Дубай қаласында көлікті жалға беретін орталық, Дубай, Корея, Грузия мемлекетінен көліктерді тасымалдау автотрекпен айналысамыз және кішігірім жалға беру түрлері бар. Шүкір деймін, осыған дейін бастаған кәсіптерімнің ешқайсысы жабылмады. Әрине айлап, жылдап табыс әкелмеген кәсіптерім болды, бірақ қолды сілтемей, аяғына дейін жеткіздім.
Арнаулы білім дегенге келетін болсақ, жоғарыда атап көткендей негізгі мамандығым заңгер. Мемлекеттік қызметте жүргенде басшым өте қатал болды. Сол кісінің арқасында тәжірибе жинақтадым десем болады. Қатпас қайсарлық, тапқырлық қасиеттерін оятқан сол кісі болды. Өз кәсібіме де сол мемлекеттік қызметтегі тәжірибем көп көмектесті.
– Шынымды айтсам, менің үлгі тұтар тұлғам болмаған. Болады деп те ойламаймын. Ол менің өмірлік көзқарастарыма байланысты сияқты. Үлгі тұтар ағаларым бар. Жалғыз ғана тұлға емес, олар бірнеше, тіпті күнде пайда болады десем де болады. Әрқайсысы жан-жақты, өмірге деген құлшынысы өте жоғары, азамат, қайраткерлер. Айта берсем көп ондай ағаларым. Сондай үлгі болар ағаларға қатты қызығамын. Өзім де менен жас азаматтарға үлгі болуға барынша тырысып жүрмін.
– Барлық шыңдарға жеттім деп ойламаймын. Себебі алар асулар әлі алда. Ендігі қойған мақсаттарым көп. Солардың бірі Дубайда бизнес ашқаннан кейін, бәрін көріп-біліп жүрмін. Осы жақта да Қазақстаннан келген азаматтар өте көп. Барлығы да әртүрлі кәсіппен айналысып жатыр. Бұл жерде көпшілігі қазақ ұлтын сыйлайды. Дубайға көп мемлекеттен демалуға келеді. Global Village деген районда бірнеше мемлекеттің павильоны бар. Бірақ Қазақстанның павильоны жоқ. Өйткені қазақтар бұл жерде бірікпеген. Егер қазақтарды біріктіріп, кәсіпкерлердің басын қосса, ұйым құрып, көк байрағымызды желбіретсек, көп мемлекет бізді таныр еді. Осы сұрақ мені алаңдатады және өзімнің бір миссиям ретінде қабылададым. Осыны жүзеге асырсақ екен, мықты диаспора құрсақ екен деген арманым бар. Қазіргі күні алдыма қойған мақсатым осы. Ал жеке кәсібімдегі мақсаттарым біртіндеп жүзеге асып жатыр.
– Аллаға шүкір деймін, бизнес саласы біртіндеп болса да дамып келе жатыр. Әр кәсіпкер шетелді аралап жақсы идеямен елге оралып, кәсіптерін жүргізіп жатыр. Менің ойымша еліміз үшін IT саласындағы бизнестерді және медиа саласындағы бизнестерді дамыту керек.
Өткен уақытқа көз сүзер болсақ, бір жылдары аудит, бухгалтер, заңгер сияқты мамандықтар үлкен сұраныста еді. Одан кейін IT, программалау болды. Ал қазір менің ойымша медианы дамыту керек сияқты және осы сала табысты болады.
– Кәсіп бастаудан қорықпау керек, бос өмір сүруден қорқу керек. Бірақ өмірлік заңдылықтар бар сол заңдылықтарды ұстану керек деп есептеймін. Сол заңдылықтарды ұстану арқылы кәсіп өзі алға басады. Менің беретін кеңесім ол жеке кәсіп бастағанда батыл, қайсар, адал және қайырымдылық жасап тұру керек. Сонда бәрі өз ретімен болады және кәсібіңіз де жемісін береді.
Тағы көру
