|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Келер жылдан бастап студенттер стипендияны университеттен алмауы мүмкін. Бұл туралы Білім және ғылым министрі Асхат Аймағамбетов айтты.
Оның айтуынша, биыл студенттерді магистратураға қабылдау жаңа форматта өткізілді. Бұл білім саласындағы көптеген мәселелерді шешті. Ал келер жылы докторантураға емтихан тапсыруды электронды түрде іске асыру жоспарланған, яғни қазіргі кезде дайындық жұмыстары атқарылып жатыр.
«Студенттерге стипендия төлеу бойынша да нақты шаралар іске асуда. Тиісті нормативтік-құқықты актілер қабылданған жағдайда, жаңа жүйені пайдалана аламыз. Яғни келер жылдан бастап стипендия университет тарапынан емес, ортақ жүйе арқылы әр студентке бірден төленетін болады», - деді ол.
Сондай-ақ онлайн отырыс барысында Асхат Аймағамбетов білім саласында мамандарды жұмысқа қабылдау мәселесін цифрландыру бойынша өзекті ұсыныстар жасалғанын айтты.
