|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мемлекетке миллиардтап залал келтірді деген күдікпен бұрынғы төраға ұсталды, - деп хабарлайды Dauletten.kz.
Ұлттық қауіпсіздік комитеті Сыбайлас жемқорлыққа қарсы іс-қимыл қызметі прокуратура үйлестіруімен Қаржы министрлігінің «Проблемалық кредиттер қоры» АҚ басқармасының бұрынғы төрағасын ұстады. Оған мемлекетке 11,4 млрд теңге залал келтірді деген күдік тағылған.
Тергеу материалдарына сәйкес, бұрынғы төраға жеке меншікке аударылуға тиіс кепіл мүлкін сатудан түскен ақша қаражатын заңсыз ұстап қалуға мүмкіндік берген. Нәтижесінде мемлекетке 11,4 млрд теңге көлемінде залал келтірілген.
Сонымен қатар, ол мемлекеттік мүлікті төмендетілген құнмен сатқан, бұл әрекет салдарынан бюджетке 1,3 млрд теңгеден астам қаражат түспей қалған.
Қазір тергеу іс-шаралары жалғасуда, күдіктінің әрекеттерінің толық көлемі анықталуда.
