|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әділет министрі Ерлан Сәрсембаев қазақ әндерін Instagram-ға қайтару үшін қандай шаралар қабылдауға болатынын айтты, деп хабарлайды Dauletten.kz.
2024 жылдың күзінде Meta платформаларынан қазақ әншілерінің музыкасы жойылған. Министр бұл жағдай ұжымдық басқару саласындағы кемшіліктерді анық көрсеткенін атап өтті. Көптеген танымал орындаушы өз шығармалары үшін сыйақы алмағанына шағымданған.
- Осы мәселені шешу үшін авторлық құқықтарды басқару саласын цифрландыру қажет. Алдағы уақытта авторлар мен құқық иеленушілерге барлық процестерді онлайн қадағалау мүмкіндігі ұсынылады. Бұл жүйе келісімшарт жасау, сыйақы жинау, бөлу және төлеу кезеңдерін цифрлық форматта бақылауға мүмкіндік береді. Сондай-ақ жасанды интеллект элементтері бар цифрлық платформаны енгізу, талдау және есептілік жүйесін жетілдіру, тіркелген зияткерлік меншік нысандарын іздеу механизмін жақсарту және мобильді қосымша әзірлеу жоспарлануда. Мемлекеттік органдар мен халықаралық ұйымдардың ақпараттық жүйелерімен интеграцияны кеңейту де күн тәртібінде, – деді министр.
Алматыда өткен жылы «Қазақстан авторлық қоғамы» РҚБ қазақстандық әртістердің әндерінің Instagram-нан жойылуына байланысты баспасөз мәслихатын өткізді. Ұйымның мәлімдеуінше, Meta компаниясымен 2022 жылы жасалған келісімшарттың мерзімі аяқталған, алайда оны ұзарту барысында қазақстандық авторларға роялти төлеу мәселесі бойынша ортақ келісімге келе алмаған.
