|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"Жалпыға бірдей білім беру" қоры аясында ата-аналар мен заңды өкілдердің есепшоттарына мектеп формасы, аяқ киім және оқу құралдарын сатып алу үшін шамамен 20 миллиард теңге бөлінді. Қаржылай қолдау 430 мыңнан астам оқушыны қамтып, бұл жалпы алушылар санының 87 пайызын құрады, - деп хабарлайды Dauletten.kz ҚР Оқу-ағарту министрлігіне сілтеме жасап.
Биыл көмек 500 мыңнан астам балаға көрсетіледі. Оның ішінде жетім балалар, ата-анасының қамқорлығынсыз қалғандар, аз қамтылған және атаулы әлеуметтік көмек алушы отбасылардың балалары, сондай-ақ өмірлік қиын жағдайға тап болғандар бар.
Астана мен Шымкент қалаларында қаражат толық көлемде аударылып, барлық отбасылар көмек алды. Министрліктің мәліметінше, ата-аналар сатып алынған тауарларды растайтын құжаттарды ұсынуы тиіс, ал төлемді алу үшін өтініш жазу жеткілікті.
- Өңірлер ата-аналардың есепшоттарына қаражатты белсенді түрде аударуда, — деді ҚР Оқу-ағарту министрлігі Балалардың құқықтарын қорғау комитетінің төрайымы Насымжан Оспанова.
2025 жылы қор бойынша жалпы қаржыландыру көлемі 23,1 миллиард теңгені құрайды. Төлем мөлшері өңірлік бюджетке сәйкес, мәслихат шешімімен белгіленеді және бір балаға кемінде 46 228 теңгеден төмен болмауы тиіс.
Айта кетейік, 2023 жылдан бері материалдық көмек көлемі 2,5 есеге өсіп, 17 мыңнан 46 мың теңгеге жеткен.
Тағы көру
