|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Президент Халықаралық сот әкімшілігі қауымдастығының президенті Луис Пальманы қабылдады, - деп хабарлайды Dauletten.kz.
ҚР Судьяларының IX съезі алаңында Қасым-Жомарт Тоқаев Халықаралық сот әкімшілігі қауымдастығының (IACA) президенті Луис Пальмамен кездесті, бұл туралы Ақорда сайты жариялады.
Кездесуде Қазақстандағы сот реформасының өзекті мәселелері талқыланды. Елбасы елімізде сот әкімшілігінің жаңа жүйесі құрылғаннан кейін соттардың дербестігі нығая түскенін атап өтті.
Қасым-Жомарт Тоқаев пен Луис Пальма сот органдары арасындағы тығыз ынтымақтастықтың, сот төрелігі жүйесін жаңғырту саласында тәжірибе алмасудың және сот өндірісін цифрландырудың маңызды екеніне назар аударды.
Мемлекет басшысы Қазақстан Сот әкімшілігінің IACA-мен өзара ықпалдастығы бұл саланы жаңа деңгейге көтеріп, сапасын арттыратынына сенім білдірді.
Қазақстанның сот жүйесін басқару сегментіндегі жаңа өзгерістерді жоғары бағалап, Халықаралық сот әкімшілігі қауымдастығының басқа мүшелері біздің еліміздің тәжірибесін зерделеуі қажет, - деді Луис Пальма.
