|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қарағанды облысы Қарқаралы ауданының Қоянды ауылында Қазақстанның оңтүстігінен қоныс аударып жатқандарға жан-жақты жағдай жасалып жатыр.
Екі жыл бұрын ғана аталған елді мекенде адам саны аз болып, мектепті жабу мәселесі көтерілген. Десе де, қазір ауылда 9 сынып, жүзге тарта түтін бар.
Ауыл тұрғыны Айсара Қожахметова жергілікті халықтың қонақжай екенін және үйдің бірден олардың атына жазылғанын атап өтті. Оның ойынша, үймен қамту жақсы көмек, ал ары қарай тырысу өз қолдарында.
Ал Қояндыға екі жыл бұрын көшіп келген Бейбіт Жұманов мемлекеттік бағдарлама бойынша несие алып үлгерген. Мал сатып алуға арналған жеңілдетілген несие арқасында ауыл тұрғыны 10 жылқы, 20 сиыр, ондаған қой ұстап отыр.
«Мұнда жайылым мал шаруашылығымен айналысу үшін өте жақсы. Керемет шөп, тоғандар бар – барлық жағдай», – дейді Бейбіт Жұманов.
Негізінен Қоянды халқы 90-жылдардың аяқ кезінде азая бастаған. Дегенмен жергілікті кәсіпкер Нұрлан Қалтаев бос үйлерді бұзудың алдын алып, оларды сатып алған. Енді әрқайсысы 150 шаршы метр болатын үйлерді қайта жөндеп, тегін таратып жатыр. Кәсіпкер бос үйлердің әлі де бар екенін және жұмыс істеуге ниеттілерді құшақ жая қарсы алатынын айтты.
Тағы көру
