|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Болат Жәмішевтың орнына Ләззат Шыңғысбаева отырды, - деп хабарлайды Dauletten.kz.
"Қазақстан халқы" қоғамдық қорын үш жыл бойы басқарған Болат Жәмішев қызметінен кетті. Ол бұл қызметке 2022 жылдың қаңтарында тағайындалған болатын. Басқарма төрағасы болып сайланған өкілеттік мерзімінің аяқталуына байланысты Болат Жәмішев Қордағы жұмысын аяқтау туралы шешім қабылдаған.
– Қорда жұмыс істеу мен үшін үлкен мәртебе және жауапкершілікті іс болды. Қор қызметінде біздің бастамаларымызды қолдағандардың барлығына шын жүректен алғыс айтамын. Біз бірігіп айтарлықтай нәтижелерге қол жеткіздік және Қордың жаңа басшылықпен өз дамуын жалғастыра беретініне сенімім мол. Барлық серіктестерге, донорларға және қызметкерлерге ортақ игі ісімізге қосқан үлесі үшін алғыс айтамын, - дейді Болат Жәмішев.
"Қазақстан халқына" Қоғамдық қоры Қамқоршылық кеңесінің шешімімен төрайым болып қоғам қайраткері, Қазақстандағы қайырымдылық, әлеуметтік жобаларды басқару және ҮЕҰ-ды институционалдық дамыту саласындағы сарапшы Лаззат Шыңғысбаева сайланды.
