|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда әуе компаниялар қайтарылған билеттердің толық құнын өтеуге міндеттелуі ықтимал, - деп хабарлайды Dauletten.kz.
Сауда және интеграция министрлігі әуе компанияларына қайтарылған билеттерді сатуға рұқсат беретін норманы заңнамадан алып тастауды жоспарлап отыр. Бұл туралы Астанада өткен тұтынушылардың құқықтарын қорғау форумында ҚР Сауда және интеграция министрлігі Тұтынушылар құқықтарын қорғау комитеті төрағасының орынбасары Серік Құсайынов мәлімдеді.
Құсайыновтың айтуынша, теміржол тасымалдаушылары билет қайтарылған жағдайда тек 30%-ын ұстап қалса, әуе компаниялары билет құнын толығымен қайтармайды.
— Мысалы, сіз 10 мамырға Астана–Алматы бағытына билет сатып алдыңыз, бірақ түрлі себептермен сол күні ұша алмай қалдыңыз. Сапардан бас тарту – сіздің құқығыңыз. Алайда қазіргі заңнамаға сәйкес, әуе компаниясы билет құнының 100%-ын ұстап қала алады, – деп түсіндірді ол.
Министрлік бұл мәселені қазір депутаттармен талқылап жатыр. Егер ұсыныс қолдау тапса, Қазақстанда қайтарылмайтын билеттер заңсыз деп танылады.
— Бұл әділетсіздік. Теміржол тасымалы кезінде билет құнының тек 30%-ы ғана ұсталады, ал әуе компаниялары 100%-ын қайтарып бермейді. Сондықтан біз бұл мәселені депутаттармен бірге шешіп, әділеттілікті қалпына келтіргіміз келеді, – деді Құсайынов.
Әуе компанияларының заң бұзушылықтары
Айта кетейік, бұған дейін қазақстандық әуе компаниялары рейстердің кешігуіне байланысты 40 миллион теңге көлемінде айыппұл төлеген болатын.
Сондай-ақ, 5 наурызда бәсекелестікті қорғау агенттігі FlyArystan әуе компаниясының үстем жағдайын теріс пайдалану белгілерін анықтап, билет бағасын негізсіз көтергенін мәлімдеді.
