|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаты Александр Милютин азаматтардың зейнетке шығу жасын 60-қа дейін төмендетуді ұсынды, деп хабарлайды Dauletten.kz.
"Қазіргі зейнетақы жүйесін түбегейлі қайта құру қажет деп санаймыз. Қазақстандықтардың басым көпшілігінде жалақы мөлшері аз. Нәтижесінде, зейнетақы жинағындағы сома да жеткіліксіз. Сол себепті біздің партия бұрын қолданыста болған зейнетақы жүйесіне қайта оралуды ұсынады. Басты мақсаттардың бірі – халықтың зейнет жасын қайта қарастыру. Зейнетке шығу жасын жыл сайын арттыру мәселесін көтерудің мәні жоқ", - деді ол.
Сонымен қатар Александр Милютин азаматтардың зейнетақы жинағының бір бөлігін пайдалану туралы атап өтті.
"Бес жыл ішінде алғаш рет БЖЗҚ-ға міндетті зейнетақы жарналары бойынша зейнетақы жинақтарын төмендеуге көшті. 2020 жылғы 1 сәуірдегі жағдай бойынша олар 11 трлн 405 млрд теңге болды, ал 2020 жылғы 1 маусымға қарай 11 трлн 388 млрд теңгеге дейін азайды, яғни 17 млрд теңгеге қысқарды. Халықтың зейнетақы жүйесіне нашар қатысуы, жинақтардың өте төмен деңгейі болашаққа әлеуметтік қиындыққа әкеп соқты, ал енді бұл тәуекел одан әрі ушығып барады", - деді ол.
Еске сала кетейік, зейнет жасын төмендету мәселесін бұған дейін "Халық коммунистері" фракциясының депутаттары да қозғаған еді.
Тағы көру
