|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сауда министрі Арман Шаққалиев БАӘ-мен сауданы дамыту және қазақстандық өнімдерді экспорттау, оның ішінде қой еті, ұн, май және кондитерлік өнімдер туралы келіссөздер жүргізді, - деп хабарлайды Dauletten.kz.
Сауда және интеграция министрі Арман Шаққалиев Дубайдағы ЭКСПО-2020 халықаралық көрмесінде Қазақстанның Ұлттық павильонында БАӘ Мемлекеттік сыртқы сауда министрі Тани бен Ахмед Аль Зейудимен кездесті. Кездесу барысында екіжақты ынтымақтастықтың негізгі бағыттары - сауда, бірлескен жобалар мен логистика тақырыптары талқыланды.
Басты тақырып – Қазақстандық өнімдер, олардың БАӘ нарығында артып келе жатқан сұранысы. Арман Шаққалиев Қазақстанның органикалық ауыл шаруашылығы өнімдерін, соның ішінде БАӘ-де танымал салқындатылған қой етін жеткізуге дайын екенін атап өтті. Сонымен қатар, Қазақстан жоғары сапалы ұн, күнбағыс майы, кондитерлік өнімдер және сүт өнімдерін экспорттауға дайын екенін айтты.
Министрдің сөзінше, осы жылдың 10 айында қой етінің экспорты 13,3 тонна болған.
- 2024 жылдың 10 айында қой етінің экспорты 13,3 мың тоннаны болып, оның жалпы құны 45,3 млн долларды құрады. Өткен жылдың сәйкес кезеңімен салыстырғанда көлем екі есе артты, экспорттық түсім 64% артты. Біз халал стандарттар аясында өнімдерге сертификат беру бойынша жұмыстарды белсенді атқарудамыз. 2014 жылдан бері 1800-ден астам қазақстандық және шетелдік компания сертификаттаудан өтті, бұл Қазақстан өнімдерінің жоғары сапасы мен халықаралық стандарттарға сәйкестігін дәлелдейді, – деп атап өтті министр.
Сондай-ақ Қазақстан халал сертификатын алу бойынша белсенді жұмыс істеуде, 1800-ден астам компания сертификаттаудан өтті. Отандық экспорттаушыларды қолдау және қазақстандық тауарларды LuLu, Grandiose сияқты ірі БАӘ сауда желілеріне шығару мәселелері талқыланды. Дегустация барысында өнімдер жоғары бағаланды. БАӘ-дің жылдық азық-түлік импорты 23 млрд доллардан асады — бұл қазақстандық өндірушілер үшін үлкен мүмкіндік.
