|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қостанай қаласындағы теміржол вокзалы 1974 жылы салынып, соңғы рет күрделі жөндеу жұмыстары 2015 жылы жүргізілген. Вокзал тәулігіне 2 170 жолаушыға қызмет көрсетуге қауқарлы.
Теміржол бекеті басшылығы Көлік министрі Марат Қарабаевқа теміржол бекетінің ағымдағы жай-күйі туралы айтып берді, деп хабарлайды Dauletten.kz.
Қазіргі уақытта жергілікті атқарушы орган тарапынан шамамен 825 млн теңге сомаға күрделі жөндеу жұмыстарын жүргізуге арналған жобалық-сметалық құжаттама әзірленіп жатыр. Атап айтқанда, шатыр, қасбет, баспалдақ алаңдары, инженерлік және төмен токты жүйелер, сондай-ақ жарықтандыру қондырғыларын орнату және ауыстыру арқылы 3 жолаушылар платформасын жөндеу жоспарланып отыр.
Сонымен қатар мекеме іші әрлеу және санитарлық жөндеу жұмыстарын жүргізуді қажет етеді.
«Қазақстан теміржолы» Ұлттық компаниясының ақпараты бойынша қазіргі уақытта Қостанай облысы бойынша 18 бағытта пойыздар қатынайды. Оның ішінде, Қостанай, Арқалық, Есіл, Железнорудная және Тобыл теміржол бекеттері халыққа қызмет көрсетеді.
