|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қызғалдақ жұлу — қылмыстық жауапкершілікке әкеледі. Бұл туралы Орталық коммуникациялар қызметіндегі брифингте Экология және табиғи ресурстар министрлігі Орман шаруашылығы және жануарлар дүниесі комитетінің төрағасы Данияр Тұрғамбаев мәлімдеді, - деп хабарлайды Dauletten.kz.
— Қазіргі таңда экологиялық тәрбие деңгейі төмен. Сондықтан біз мектептермен бірлесіп жұмыс жүргізіп жатырмыз. Наурыз айында "Парктер шеруі" акциясын бастаймыз. Оның аясында әр мектепке барып, экологиялық ағарту жұмыстарын жүргізу жоспарда бар. Сол кезде Қызыл кітапқа енген өсімдіктер мен жануарлар туралы, оларды қорғау қажеттілігі мен тыйымдар жайлы түсіндіреміз, — деді ол.
Комитет төрағасының айтуынша, қызғалдақты адамдар көбіне жол бойынан байқап, қызығушылықпен жұлып жатады. Өткен жылы мұндай фактілер Алматы, Жетісу, Түркістан облыстарында тіркелген. Алайда, Тұрғамбаев қызғалдақ жұлғандарға нақты қанша айыппұл салынатынын айта алмады.
— Қызғалдақ Қызыл кітапқа енгендіктен, ең алдымен қылмыстық іс қозғалады. Бұл — біздің құзіретімізге кірмейді. Заң бұзушылық жасаған адамға қатысты істі ішкі істер органдары жүргізеді, — деді Данияр Тұрғамбаев.
