Маман пікірі

Туберкулезден қалай сақтанамыз?

07.08.2023

3 мин

0

1589

Фото: depositphotos.com

Дүниежүзілік денсаулық сақтау ұйымының мәліметіне сүйенсек, 2018 жылғы жүргізілген статистика бойынша, Қазақстан 201 елдің ішінде 78-ші орында тұр. Яғни 100 мың адамның 68-і осы дерт бойынша тіркелген, деп хабарлайды Dauletten.kz.

Осы орайда, ҚР Денсаулық сақтау министрлігі туберкулезден сақтану жолдары мен профилактикасын жариялады.

Туберкулез - қауіпті инфекциялық ауру. Онда әртүрлі ағзаларға (өкпе, бүйрек, ішек, сүйектер мен буындар, ми қабықтары) әсер етеді.

 АДАМ ТУБЕРКУЛЕЗДІ ЖҰҚТЫРУЫ МҮМКІН:

• туберкулезбен ауыратын адаммен  сөйлескен уақытта жөтелген кезде (ең қауіпті фактор - науқастың қақырығы, қолайсыз әлеуметтік жағдайларда иммунитеттің төмендеуі, дұрыс тамақтанбау, стресс, алкоголизм, темекі шегу, нашақорлық),түшкіру, әңгімелесу кезінде  (тері, шырышты қабық, жоғарғы тыныс жолдары арқылы), сондай-ақ ананың құрсағындағы ұрықтың жұқтыруы;
• ауру жануарлардың сүт өнімдерін жеген кезде.

 ТУБЕРКУЛЕЗ АУРУЫНЫҢ БЕЛГІЛЕРІ:

Жалпы әлсіздік, тез шаршағыштық, ұзаққа созылған жөтел және дене температурасының 37 және 37,5ᵒС  дейін көтерілуі, түнде терлеу, аз жүктеме кезінде ентігу, қан түкіру.

НЕГІЗГІ ЕСКЕРТУ ШАРАЛАРЫ:

Жыл сайын дәрігерге бару, флюрографиядан өту, балаларды БЦЖ вакцинациялау, денені қатайту, спортпен шұғылдану, дұрыс калориялы, байытылған тамақтану, еңбек пен демалыстың ұтымды режимі, жаман әдеттерден бас тарту, гигиена ережелерін сақтау.