Ұшақты апаттан аман алып қалған отандастарымызды білесіз бе?
30.10.2022
1 мин
0
663
Ұшақты апаттан аман алып қалған қазақстандық ұшқыштар Ұлыбританияда беделді авиациялық сыйлықпен марапатталды. Бұл туралы Stan.kz жазды.
"Капитан Вячеслав Аушев, екінші ұшқыштар Бауыржан Қарашолақов пен Сергей Соколов Air Astana-да жұмыс істейді. 2018 жылдың қарашасында олар Лиссабонда қызмет көрсеткеннен кейін Embraer E190 ұшағын тізгіндеді. Электронды басқару жүйесін орнатудағы қателіктің салдарынан ұшақ жоғары көтерілгеннен соң бірден істен шыққан. Экипаж қауіпті жағдайға тап болды, бірақ соңында ұшқыштар басқару жүйесін қалпына келтіріп, ұшақты сәтті қондырды", - делінген хабарламада.
"Самұрық-Қазына" арнасының хабарлауынша, ұшқыштарға Лондондағы Honourable Company of Air Pilots компаниясының Хью Гордон-Берг сыйлығы табысталды. Олар әдетте Ұлыбритания мен Достастық елдерінің ұшқыштарына берілетін. Бірақ қазақстандықтар үшін бұл қағиданы бұзды. Олар "әуе кемесін және әріптестерін құтқару кезінде көрсеткен ерекше ерлігі, батылдығы және әрекеттері үшін" марапатталды. Рәсім Лондон қаласының орталығындағы тарихи Гилдхолл ғимаратында өтті.
