Зейнетақы төлеміне қатысты ақпарат шықты

БЖЗҚ 1 қарашадағы жағдай бойынша азаматтарға 155,3 млрд теңге төлем жасады.

Баспасөз қызметінің мәліметіне сүйенсек, ағымдағы жылдың 1 қарашасындағы жағдай бойынша 320 335 адамға төлем берілді.

Жиыны 1,9 млн-нан астам зейнетақы төлемі мен сақтандыру ұйымдарына аударым жасалды. Жалпы сома 155,3 млрд теңгені құрайды.

Оның ішінде:

• зейнет жасына толу бойынша төлемдер – 51,7 млрд теңге;
• сақтандыру ұйымдарына аударымдар – 39,5 млрд теңге;
• ТТЖ-ға кетуге байланысты төлемдер – 31,1 млрд теңге;
• мұрагерлік бойынша төлемдер – 28,2 млрд теңге;
• жерлеуге берілетін төлемдер – 3,5 млрд теңге;
• мүгедектік бойынша төлемдер – 1,3 млрд теңге.

Ай сайынғы орташа төлем сомасы (зейнеткерлік жасқа толуға байланысты) 22 806 теңге, ал ай сайынғы ең жоғарғы зейнетақы 506 980 теңге болды.