Жаңалықтар

Жамбыл облысында алаяқтықпен 22 млн теңгеге жуық қаржыны жымқырған күдіктілер ұсталды

14.09.2026

мин

0

92

Жамбыл облысында алаяқтықпен 22 млн теңгеге жуық қаржыны жымқырған күдіктілер ұсталды, - деп хабарлайды Dauletten.kz.

Жамбыл облысы ПД киберқылмысқа қарсы іс-қимыл басқармасы және тергеу бөлімшесінің қызметкерлері жүргізген жедел-іздестіру іс-шаралары барысында алаяқтыққа қатысы бар екі күдікті Алматы қаласының аумағынан ұсталды.

Тергеу барысында күдіктілердің логистикалық компания қызметкерлері ретінде танысып, теміржол вагондарын ұсыну сылтауымен жәбірленушінің сеніміне кіргені анықталды. Осылайша олар оның жалпы сомасы 22 млн теңгеге жуық қаржысын иемденген.

Аталған дерек бойынша сотқа дейінгі тергеп-тексеру басталды. Күдіктілер сот санкциясымен қамауға алынды.

Қазіргі уақытта қылмыстық іс бойынша тергеу амалдары жалғасып жатыр.