|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлеуметтік желіде қазан айының ортасында біздің елдің тұрғындары кометаны көре алады деген ақпаратқа астрофизика институтының маманы жауап берді, - деп хабарлайды Dauletten.kz Massaget.kz сайтына сілтеме жасап.
Астрофизика институтының маманы Светлана Мошкина бұл ақпаратты растады.
27 қыркүйекте Цзицзиньшань-ATLAS с/2023 А3 кометасы күнге 0,39 астрономиялық бірлік (шамамен 58 миллион километр) қашықтыққа жақындаған перигелийден өтті. 12 қазанда ол біздің планетамызға 0,48 астрономиялық бірлік (шамамен 70 миллион километр) қашықтыққа дейін жақындайды. Комета жерден алыстаған сайын оның жарықтығы жылдам азаяды. Ол шамамен 11-12 қазан күндері күн батқаннан кейін солтүстік жарты шарда көкжиектің үстінде пайда болады, оны көзбен 12-18 қазан аралығында көруге болады, ал одан кейін кометаны тек телескоптан көре аласыз, – деді ол.
Маманның ойынша, кометаны Солтүстік Қазақстан тұрғындары жақсы көре алады.
12 қазанда жерге минималды жақындау кезінде кометаны батыста күн батқаннан кейін Спика және Арктур жұлдыздарының ортасынан байқауға болады. 12 қазанда күн 17:14-те көкжиек сызығынан асып түседі. Сағат 18.00-ге дейін көкжиек кометаны көру үшін қараңғы болады. Ал Алматы тұрғындары мен қонақтарына кометаны көру қиынға соғады: батыстағы таулар көкжиек сызығын жауып жатыр және қала үстіндегі түтін де кедергі болады, - деп атап өтті Светлана Мошкина.
Сонымен қатар маман аспан объектісіне оны алғаш көрген обсерваториялардың құрметіне С/2023 А3 Цзицзиньшань-ATLAS атауы берілгенін атап өтті. Бұл комета күнге қайта оралмауы мүмкін екенін де айта кетті.
