Жаңалықтар

2025-2026 оқу жылына мемлекеттік білім гранттарының иегерлері анықталды

07.08.2025

1 мин

1

1719

Сурет: abai.kz

ҚР Ғылым және жоғары білім министрлігі 2025–2026 оқу жылына арналған мемлекеттік білім беру гранттарының иегерлерін жариялады, - деп хабарлайды Dauletten.kz.

Биылғы конкурсқа 113 мыңға жуық талапкер қатысып, олардың ішінен 77 мыңнан астамы грант иегері атанды. Бұл өткен жылмен салыстырғанда 9 мың өтінішке артық.

Гранттардың 60%-ы инженерлік және техникалық мамандықтарға бөлінді. Бұл шешім Президент Қасым-Жомарт Тоқаевтың экономиканың басым салаларына қажетті кадрларды даярлау жөніндегі тапсырмасы аясында қабылданды.

"Серпін" бағдарламасы аясында 2 мыңнан астам талапкер еліміздің солтүстік, шығыс және орталық өңірлеріндегі университеттерде білім алуға мүмкіндік алды.

Алғаш рет мерзімді әскери қызметін өтеп жатқан жастарға 2 010 грант бөлінді. Бұл бастама – олардың жоғары білім алуына жағдай жасауға бағытталған.

Сонымен қатар:

• Әлеуметтік осал топтарға квоталар сақталды;

• Олимпиада және спорт жарыстары жеңімпаздарына гранттар конкурссыз берілді;

• Сараланған гранттар саны – 300 (конкурс қыркүйекте өтеді);

•  "Келешек" жинақ жүйесі іске қосылды – балаға ерте жастан білім қорын құруға мүмкіндік береді.

Грант нәтижелерін ҚР Ғылым және жоғары білім министрлігінің ресми ақпараттық көздерінен https://www.gov.kz/memleket/entities/sci?lang=kk, https://t.me/gylym_jogary_bilim/10854, сондай-ақ Ұлттық тестілеу орталығының ресми сайтынан www.testcenter.kz білуге болады.

Мемлекеттік білім беру гранты туралы куәлік үш жұмыс күні ішінде ҚР ҒЖБМ Ұлттық тестілеу орталығының https://grant.testcenter.kz сайтында қолжетімді болады.

Жоғары оқу орындарына құжат тапсыру мерзімі – 25 тамызға дейін.