Жыл басынан жастарға 5 мыңнан астам грант бөлінген
12.07.2023
1 мин
0
528
kmf.kz
2023 жылдың басынан бері 5 мыңнан астам грант және жастарға 1,5 мыңнан астам микрокредит берілген. Бұл туралы Үкімет отырысында Премьер-Министр Әлихан Смайылов айтты.
«Өз ісін дамыту үшін микрокредиттер мен гранттар беру бойынша кешенді жұмыс жүргізілуде. Бүгінгі күні 5 мыңнан астам грант және жастарға 1,5 мыңнан астам микрокредит берілді. Конкурстық негізде жас кәсіпкерлерге жылдық 2,5 пайызпен жеңілдікті кредит берілуде», - деді Үкімет басшысы.
Оның айтуынша грант және микрокредитті қалай алуға болатыны туралы ақпараттық-түсіндіру жұмыстары күшейтілген.
«Аталған шаралардың барлығы халықтың тұрмыс сапасын жақсартуға бағытталған», - деді Премьер-Министр.
