|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда жыл сайын 37 мың адамнан қатерлі ісік ауруы анықталады. Жалпы онкологиялық аурулардан болатын өлім-жітім қанайналым жүйесі ауруларынан кейін екінші орында деп хабарлайды Dauletten.kz.
Ақпарат Үкіметтің ресми сайтында жарияланды. Дерекке сүйенсек, қазіргі таңда республикада онкологиялық аурулармен ауыратын 205 мыңнан астам науқас динамикалық бақылауда. Осы орайда науқастарға ем көрсету мақсатында «Қазақстан халқына» қоғамдық қорынан 50 миллиард теңгеден астам қаржы бөлінбек.
Бұл қаражат жоғары технологиялық сәулелік жабдықтарды сатып алуға және онкологиялық орталықтарды жарақтандыруға, ісікке қарсы препараттарға тапсырыс беруге, мамандарды шетелде оқытуға және басқа да мақсаттарға жұмсалады. Яғни ең тиімді заманауи 17 желілік үдеткішті сатып алу мәселесі қарастырылуда. Сонымен қатар кішігірім ісіктердің өзін және алыс орналасқан метастазаны анықтай алатын позитронды эмиссиялық томография (ПЭТ КТ) аппараты алынбақ.
фото: artcasting.tv
