Жаңалықтар

15,5 миллиард теңге айналымы бар “бензин мафиясы” әшкереленді

28.02.2025

1 мин

0

124

Сурет: АФМ РК

Қазақстанда ҚМА Қырғызстанға АИ-92 маркалы бензинін заңсыз тасымалдаумен айналысқан қылмыстық топтың қызметін тоқтатты, - деп хабарлайды Dauletten.kz.

Қаржылық мониторинг агенттігі қылмыстық топтың Қазақстаннан Қырғызстанға заңсыз бензин жеткізіп, сатып келгенін анықтады.

- Тергеу барысында күдіктілер бензинді Қазақстан аумағында еріткіш және дистиллят ретінде рәсімдеп, жалған құжаттар арқылы шекарадан заңсыз өткізгені белгілі болды. Жедел іздестіру шаралары барысында “Түрксіб” станциясында 500 тоннаға жуық бензин тиелген 8 теміржол цистернасы ұсталды. Жүк “Қара Май Ойл” шағын мұнай өңдеу зауытынан жөнелтіліп, Қырғызстанға бағытталған, – делінген хабарламада.

Тергеу мәліметтері бойынша, 2023-2024 жылдары аталған зауыттан 102 мың тоннадан астам мұнай өнімі шетелге экспортталған. Алдын ала есептеулерге сәйкес, қылмыстық топтың заңсыз айналымы екі жылда 15,5 миллиард теңгеден асып түскен.

Аталған іс бойынша үш күдіктіге мемлекетаралық іздеу жарияланды:

• Попов Алексей Александрович, 27.04.1987 жылы туған, Қазақстан Республикасының азаматы, Жамбыл облысы, Тараз қаласының тумасы, бұрын сотталмаған;
• Ибраимов Рахымжан Маматұлы, 29.01.1996 жылы туған, Қазақстан Республикасының азаматы, Өзбекстанның Чартак қаласының тумасы, бұрын сотталмаған;
• Сағындықов Серік Ерланұлы, 29.07.1987 жылы туған, Қазақстан Республикасының азаматы, Жамбыл облысының тумасы, бұрын сотталмаған.

Сот күдіктілерге “қамауға алу” түріндегі бұлтартпау шарасын тағайындады.