|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астана қаласындағы Қаржы мониторингі агенттігінің департаменті прокуратурамен бірлесіп, Сот сараптамалары орталығының лауазымды тұлғалары мен мердігер ұйым басшысын ұстады. Оларға бюджеттен 2 млрд теңгеден астам қаражатты жымқыру фактісі бойынша сотқа дейінгі тергеу ісі қозғалды, - деп хабарлайды Dauletten.kz.
Агенттіктің мәліметінше, 2023-2025 жылдарға арналған нашақорлық пен есірткі бизнесіне қарсы күрес жөніндегі кешенді жоспар аясында сот-сараптама органдарын материалдық-техникалық жабдықтауға республикалық бюджеттен 10,3 млрд теңге бөлінген. Алайда 2023-2024 жылдары Сот сараптамалары орталығының басшылары мүдделі топпен алдын ала келісіп, жалған коммерциялық ұсыныстар арқылы жабдықтың құнын үш есеге көтерген.
Бұған қоса, мемлекеттік сатып алу конкурсы жарияланбай тұрып, техникалық сипаттамаларда тек өздері танитын компаниялар ғана ұсына алатын жабдықтар көрсетілген.
Тергеу аясында жалпы құны 148 млн теңгеден асатын мүліктерге – Алматы қаласындағы екі жер телімі, Астана қаласындағы пәтер, сондай-ақ BMW X6 және RAV 4 автокөліктеріне тыйым салынды. Сонымен қатар, банк есепшоттарында тұрған 1,6 млрд теңге, 367 мың АҚШ доллары және 366 мың еуро бұғатталды.
Құқықтық сараптама орталығының директоры, мемлекеттік сатып алу департаментінің басшысы және ЖШС басшысы қамауға алынып, сот шешімімен 2 айға қамауда ұстау шарасы қолданылды.
