|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Үкімет отырысында ҚР қаржы министрі Мәди Такиев Мемлекет басшысының жалпыға бірдей декларациялау тәсілдерін қайта қарау жөніндегі тапсырмасының орындалу барысы туралы баяндады, - деп хабарлайды Dauletten.kz.
Жүйенің төртінші кезеңіне сәйкес, 2025 жылы 8 миллионға жуық қазақстандық жалпы декларациялау жүйесіне қатысады. Бұл санатқа жеке құрылымдардың қызметкерлері, зейнеткерлер, үй шаруасындағы әйелдер, студенттер және басқа да азаматтар кіреді.
Автоматтандырылған салықтық бақылау жүйесін ескере отырып, оларды активтер мен міндеттемелер туралы есептілікті ұсынудан босату ұсынылады. Бұл бастама осы санаттағы азаматтардың 90%-дан астамына әсер етеді.
Бұл ретте декларациялауды Қазақстан Республикасынан тыс жерлерде активтері бар, бір жыл ішінде құны 20 000 АЕК астам сатып алулар жасаған, өз бетінше салық салынатын табыс тапқандар үшін сақтау ұсынылады. Бұдан басқа, азаматтарға ерікті түрде декларациялау құқығы беріледі, — деп атап өтті министр.
Жеке тұлғалардың қолда бар активтерін тіркеу үшін барлық цифрлық дерекқорлардан, оның ішінде екінші деңгейдегі банктерден мәліметтер алу тетігі қамтамасыз етілетін болады. Тиісті заңнамалық түзетулер дайындалды.
Жалпы жүйеде 4,8 млн қазақстандық тіркелген. 2024 жылы декларация ұсынбаған немесе салық кезеңін ұсынбаған не қате көрсеткен азаматтар 281 мың хабарлама алды. Олардың бестен бір бөлігі орындалды.
