Қазақстанның Бас прокуроры Берік Асылов активтерді қайтару бойынша комиссия жұмысы туралы айтты. Бұл жөнінде Stan.kz жазды.
Бас прокурордың сөзінше, бүгінгі таңда мемлекетке 630 миллиард теңге болатын қаржы мен мүлік қайтарылған.
Сонымен қатар прокурорлардың кеден саласындағы актісі бойынша бюджетке 57 миллиард теңге, мемлекет меншігіне құны 5 миллиард теңге болатын 140 мың гектар жер қайтарылды.
Айта кетейік, бұған дейін премьер-министр Әлихан Смайылов активтерді шетелге заңсыз шығару дерегі бойынша 56 азаматқа қатысты қылмыстық іс қозғалғанын айтқан еді.
"Үлкен жұмыс жасалды. Соның ішінде құқық қорғау органдарына жалпы сомасы 453 миллиард теңге болатын 214 материал берілді. 56 азаматқа қатысты қылмыстық істер қозғалды. Бұдан бөлек заң жобасын өзгерту бойынша жұмыс жүріп жатыр. Жаңа кодекске өзгеріс енгізу үшін бірнеше бастамалар заң жобасына қосылды", – деді ол.
