|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда 342 ұйымға, оның ішінде білім беру мекемелеріне, денсаулық сақтау және әлеуметтік қорғау ұйымдарына тексеру жүргізу аяқталды, - деп хабарлайды Dauletten.kz.
120 тексеру жергілікті жерде жүргізілсе, 58-і жоспардан тыс өтті. Нәтижесінде мамандар балалардың құқықтарына қатысты заң бұзушылықтарды анықтап, 24 хаттама толтырды. Салынған айыппұлдардың жалпы сомасы 2 миллион теңгеден асты. Сонымен қатар, 133 ұйғарым мен 164 ұсыныс берілді. 78 лауазымды тұлға тәртіптік жауапкершілікке тартылды.
- Тексерулер жергілікті атқарушы органдар тарапынан балалар құқықтарын қорғау саласында заң бұзушылықтардың бар екенін көрсетті. Бұл – заңнаманың сақталуын бақылауды күшейту және олардың білім алуы мен тәрбиесі үшін қауіпсіз орта құру қажеттігін білдіреді. Жүйенің барлық қатысушылары балалардың құқықтары мен әл-ауқатына жауапты. Олардың басты міндеті – әр балаға қорғау, қолдау және тең мүмкіндіктер қамтамасыз ету, – деп атап өтті Балалардың құқықтарын қорғау комитетінің төрайымы Насымжан Оспанова.
Тексерулер нәтижесінде 1500-ден астам баланың құқықтары қалпына келтіріліп, жетім балалардың тұрғын үй мәселелері, мүліктік құқықтары, білімге қолжетімділігі және психологиялық қолдау көрсету мәселелері шешілді.
