Шымкент қаласының тұрғындарына ірі көлемде шығын келтірді деп күдікке ілінген Қазақстан азаматы Түркиядан елге қайтарылды, - деп хабарлайды Dauletten.kz.
Тергеу мәліметтеріне сүйенсек, 2019-2020 жылдар аралығында ол Шымкенттегі төрт азаматтың қаражаты мен жер телімдерін заңсыз иемденген. Соның салдарынан жәбірленушілерге жалпы 95 миллион теңге көлемінде материалдық шығын келген.
Күдікті құқық қорғау органдарынан бой тасалап, халықаралық іздеуге жарияланған болатын. Кейін ол Түркия аумағында ұсталып, Қазақстанға экстрадицияланды.
Қазір аталған азамат тергеу изоляторына қамалып, іс бойынша тергеу амалдары жүргізіліп жатыр.
