|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Абай облысында Kaz Minerals өндірістік нысанында қайғылы жағдай тіркелді, - деп хабарлайды Dauletten.kz.
Абай облысындағы Kaz Minerals шахтасында 19 наурызға қараған түні апат болып, бір жұмысшы қаза тапты. Қайғылы жағдай Бородулиха ауданында тіркелді, деп хабарлады құқық қорғау органдары.
Полиция мәліметінше, шахтада жүргізілген жарылыс жұмыстары кезінде көмірқышқыл газының деңгейі күрт көтерілген. Таңертең екі жұмысшы шахтаға түскен кезде ес-түссіз күйде табылған. Оларға көмек көрсетуге барған учаске бастығы да газдан уланып қалған.
Салдарынан бір адам оқиға орнында қаза тауып, тағы екі адам ауруханаға жеткізілді. Қазіргі уақытта оқиға орнында жедел-тергеу тобы жұмыс жасап, төтенше жағдайдың себептерін анықтап жатыр.
Қылмыстық іс қозғалып, сотқа дейінгі тергеу басталды. Полиция және шахта әкімшілігі оқиғаның мән-жайын анықтауда.
