|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қаржы мониторингі агенттігі жыл басынан бері 34 блогердің заңсыз онлайн-ойындарды жарнамалауға қатысы барын анықтады, - деп хабарлайды Dauletten.kz.
Агенттіктің мәліметінше, олардың қатарында Қайсар Қамза, Шыңғысхан Көпбаев ("Baller"), Тәуіржан Айтмаханов, Наиль Тұрғанов, Диляра Аманқосқызы, Ринат Шамшырақ және басқа да контент жасаушылар бар.
Аталған тұлғалардың 11-і әкімшілік жауапкершілікке тартылса, қалған 23 блогерге қатысты материалдар Мәдениет министрлігіне шара қабылдау үшін жолданды. Көпшілігі заңды жүйелі түрде бұзып келген.
• "Baller" (Шыңғысхан Көпбаев) жыл басынан бері бес рет әкімшілік жауапқа тартылған.
• Ринат Шамшырақ онлайн-казино жарнамалағаны үшін іс қозғалған.
• Наиль Тұрғановжарнама үшін 8 млн теңгеден астам қаржы алған.
• Нұрғазы Тоқтаров ("Nakonay Qarapaiym") заңсыз ойындарды белсенді насихаттап, 15,8 млн теңге табыс тауып, оның жартысына жуығын сол платформаларда ұтылып қалған.
• Мариям Құлжабаева (@oomariko)қарапайым стористерін 350 мың теңгеге сатып, азаматтарды онлайн-казинода тіркелуге шақырған.
Сонымен қатар Зухра Хакиева, Диана Халметова, Әсем Аубакирова, Арина Байкова, Күмісай Айымбетова сынды инфлюенсерлердің де аты аталды.
Агенттік онлайн-казино жарнамасын адамдарды тәуелділікке жетелейтін қауіпті құбылыс деп атап, мұндай әрекеттерді ҚР ҚК-нің 28-бабының 5-тармағы аясында – заңсыз ойын бизнесіне көмектесу ретінде қарастыруға ниетті. Бұған қоса қаржы пирамидалары сияқты онлайн-казино жарнамасы үшін де қылмыстық жауапкершілік енгізу бастамасы көтерілді.
