|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ұлттық банк азаматтарды жымқыру мақсатында телефон алаяқтарының көбейіп кеткенін ескертеді, деп хабарлайды Dauletten.kz.
Алаяқтар азаматтардың жеке мәліметтерін алу үшін Ұлттық Банктің қызметкері ретінде қоңырау шалып, ақша жымқыру мақсатында адамдарды алдауға көшкен.
«Ұлттық Банк жеке тұлғалардың шоттарына қызмет көрсетпейді, ақшалай есеп айырысу мен мәмілелер жасамайды. Ұлттық Банкте шоттар тек қана Ұлттық Банктің, екінші деңгейлі банктердің, шектеулі заңды тұлғалардың операцияларын есепке алу үшін ашылады», делінген ресми хабарламада.
Мамандар күдікті электронды хаттар мен белгісіз нөмірден хабарласқан қоңырауларға жауап бермеуге кеңес береді. Ұлттық Банктен «ақша жөнелтіңіз» деген хаттар немесе хабарласқан адамның жеке деректерді сұрауы алаяқтардың әрекеті екенін аңғартады. Осы ретте, банк мамандары аталмыш жағдайда құқық қорғау органдарына арыздану қажет екенін айтады.
