|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елордада тұратын алаяқтар 210 азаматтың атына онлайн несие рәсімдеген, деп хабарлайды Polisia.kz.
Бас қаланың 26 және 32 жастағы тұрғындары былтыр қазаннан бастап сәуірге дейін микрокредиттік ұйымдардың бірінде басқа азаматтардың атына онлайн несие алған. Қылмыстық схеманы Қостанай облысының киберқылмыспен күресетін полицейлері анықтады.
Алаяқтар жәбірленушілердің жеке деректерін әлеуметтік желілерден іздеп тапқан. Азаматтардың аты мен тегін, ЖСН нөмірін пайдаланып, еш кедергісіз онлайн несие алған.
Заңсыз әрекет салдарынан 210 адам алаяқтың құрбаны болды. Жәбірленушілер республиканың 12 өңірінде тұрады. Алаяқтар бір адамның атына 70 мыңнан 300 мың теңгеге дейін қарыз алған.
Жәбірленушілердің негізгі бөлігі өз атына несие алынғанын полициядан білсе, қалғандарына қарызды өтеу туралы телефон қоңырауы мен SMS-хабарлама келген.
Алаяқтар азаматтарға 26 миллион 100 мың теңге материалдық шығын келтірді.
Қазіргі таңда күдіктілер Қостанай қаласының тергеу изоляторына қамалды. Оларға қатысты қамауда ұстау түрінде бұлтартпау шарасы таңдалды.
Олар ақшаны әртүрлі банктің виртуалды картасына аударып, кейін жеке қажеті мен букмекер кеңселердің ставкасына жұмсаған.
