|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы мен Астанада бет-әлпетті тану функциясы бар 1,8 мыңнан астам камера орнатылған, - деп хабарлайды Dauletten.kz.
- Астанада бет-әлпетті тануға арналған 648 бейнебақылау камерасы, ал Алматыда 1165 камера бар, – делінген жауапта.
Ведомствоның мәліметінше, мұндай камералар негізінен террористік қауіп-қатерге осал нысандарға (темір жол вокзалдары, әуежайлар, қонақүйлер, сауда орталықтары және басқа да орындар) орнатылады.
Басылым министрлікке “Бұл жүйеге қанша қаражат жұмсалды?” деген сұрақ қойған. Алайда ІІМ мұндай жобалар жергілікті атқарушы органдар арқылы жүзеге асырылатындықтан, олардың бюджетінде арнайы қаражат қарастырылмағанын түсіндірді.
2023 жылғы 20 қарашадан бастап Алматы мен Астанада жасанды интеллект негізінде адамның бет-әлпетін танитын жүйе іске қосылған. ІІМ-нің хабарлауынша, бұл жүйе іздеудегі адамдарды анықтауға, қоғамдық орындарда қалған заттар туралы ескертуге, құқықбұзушылықтарды автоматты түрде тіркеуге және көліктерді бақылауға мүмкіндік береді.
“Ақылды” камералар темір жол вокзалдары, әуежайлар, қонақүйлер, сауда орындары мен көшелерде орнатылған. Осы жүйенің көмегімен Астанада іздеудегі 46 адам, Алматыда 30 адам ұсталған.
Министрліктің дерегіне сүйенсек, ел аумағында қазіргі уақытта 1 млн 359 мың бейнебақылау камерасы бар, олардың 310 мыңы жедел басқару орталықтары мен полицияның кезекші бөлімдерінде орналасқан. Дегенмен, олардың қаншасы “ақылды” екені туралы ақпарат жоқ.
