|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы облысында 10 жасар баланы иттердің шабуылынан құтқарып қалған азаматқа Мемлекет басшысы Қасым-Жомарт Тоқаевтың атынан Алғыс хат табысталды, - деп хабарлайды Dauletten.kz.
Алғыс хат Алматы облысының әкімі Марат Сұлтанғазиевтің төрағалығымен өткен әкімдік отырысы барысында Серікбек Алдабергенұлы Сақайбековке салтанатты түрде табыс етілді.
Еске салайық, маусым айының соңында Алмалыбақ ауылындағы футбол алаңында 10 жасар балаға иттер шабуыл жасаған. Ауыл тұрғыны Серікбек Сақайбеков көмек сұраған баланың дауысын естіп, ештеңеден тайсалмай, өз өміріне қауіп төнгеніне қарамастан, баланы ажалдан аман алып қалған.
Облыс әкімі ерлік көрсеткен тұрғынға алғысын білдіріп, бұл әрекет қоғамда адамгершілік пен жанашырлықтың әлі де бар екенін көрсететінін атап өтті.
