Алматыда заңсыз жүрген шетелдіктер елден шығарылды.
Алматы қаласының көші-қон қызметі арнайы жергілікті іс-шара аясында Өзбекстан Республикасының 18 азаматын және Тәжікстанның 2 азаматын отанына қайтарғанын хабарлады.
"Бұл шетелдіктер көші-қон заңнамасын бұзғаны үшін Алматы қаласы сотының қаулысымен Қазақстан Республикасынан шығарылды. Тасымалдау Өзбекстан шекарасына дейін арнайы автобуспен жүзеге асырылды. Шетелдік азаматтар шекара қызметіне тапсырылды. Жалпы, іс-шараның 4 күнінде көші-қон заңнамасын бұзған 820 адам әкімшілік жауапкершілікке тартылды, оның 385-і шетелдік" , – деді Алматы қалалық ПД Көші-қон қызметі басқармасының бастығы Асхат Бутунчинов. ПД бөлімшесінің мәліметі бойынша, “Нелегал” ЖАІ-ның 4 күнінің ішінде елден 38 шетелдік шығарылды.
