|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматыда Әл-Фараби атындағы Қазақ ұлттық университетінің студенті 14-қабаттан секіріп көз жұмды, - деп хабарлайды Dauletten.kz.
Оқиға 29 шілде күні Әл-Фараби атындағы Қазақ ұлттық университетінің ректорлық ғимаратында болды. БАҚ-тағы ақпаратқа сүйенсек, қайтыс болған бойжеткен — аталған оқу орнының Шығыстану факультетінің 1-курс студенті.
Оқиғаға қатысты Бостандық аудандық полиция басқармасы Қылмыстық кодекстің 105-бабы бойынша қылмыстық іс қозғады. Қазір оқиғаның себептері мен мән-жайлары анықталып жатыр.
Алматы қалалық полиция департаменті оқиғаға қатысты ресми түсініктеме берді.
— Аталған дерек бойынша Бостандық аудандық полиция басқармасы қылмыстық іс қозғады. Оқиғаның себебі мен мән-жайлары анықталуда. Алдын ала мәліметтерге сәйкес, оқиғаға отбасылық жағдайлар себеп болуы мүмкін. Азаматтарды расталмаған ақпарат таратудан бас тартып, тек ресми дереккөздерге сүйенуге шақырамыз, — делінген полиция департаментінің баспасөз қызметі таратқан хабарламада.
