|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы қаласында "Елшежіре" қоғамдық қорының ұйымдастыруымен сыбайлас жемқорлыққа қарсы қоғамдық тыңдалым өтті, - деп хабарлайды Dauletten.kz.
Іс-шараға жастар ұйымдарының өкілдері, қоғам белсенділері, сарапшылар, мемлекеттік мекемелердің өкілдері қатысты.
Қоғамдық тыңдалымның негізгі спикері – Жетісу аудандық комьюнити орталығының жетекшісі КенесовАкежан Бакытұлы. Ол өз баяндамасында қоғамдағы сыбайлас жемқорлыққа қарсы іс-қимылдың өзекті мәселелерін көтеріп, адалдық пен ашықтық қағидаларын енгізу жолдарын талқылады.
Тыңдалым барысында қатысушылар жемқорлыққа қарсы күрестің жаңа тәсілдерін, азаматтық белсенділікті арттырудың жолдарын, сондай-ақ 2025 жылға арналған жоспарларды ортаға салды. Әсіресе, жастар арасындағы құқықтық сауаттылықты арттыру, қоғамдық бақылауды күшейту және мемлекеттік органдардың ашықтығын қамтамасыз ету бағытында ұсыныстар жасалды.
Сондай-ақ, іс-шараға колледж оқытушылары, студенттер мен белсенділер қатысты. Олар өз пікірлерімен бөлісіп, сыбайлас жемқорлықтың алдын алу бойынша өз тәжірибелері мен ұсыныстарын ортаға салды.
Жастар – еліміздің болашағы! Сондықтан әділдік пен парасаттылықты нығайтуға бағытталған мұндай іс-шаралар алдағы уақытта да жалғасын табады.
