|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Медеу ауданының әкімі Еркебұлан Оразалин лай көшкінінің себебі үйлердің дұрыс салынбауы екенін айтты, деп хабарлайды Dauletten.kz.
Оның айтуынша, құлаған үйде ерлі-зайыптылар мен 2007 жылы туған егіз ұлы болған. Балалар №48 мектепте оқиды. Олар сол күні сабаққа бармаған.
«Мектеп директоры да осында. Түнде полиция басқармасы арқылы отбасының ұялы телефондарын іздедік. Телефондарға сигнал түскен жоқ. Телефондар үйде деген ақпарат бар», - деді әкім.
Сонымен қатар ол көшкіннің бірнеше ықтимал себептерін атады.
«Үйлер дұрыс салынбаған. Дұрыс орнатылмаған дренаж жүйесі және таудағы үйлердің жүктемесі себеп болуы мүмкін. Қазір арнайы құрылған комиссия жұмыс істеп жатыр. Кейінірек бәрі анықталады», - деді аудан әкімі.
Бұған дейін Алматы қаласы Төтенше жағдайлар департаменті мен Республикалық жедел-құтқару жасағының күштері үйінді астынан ер адамның денесін тапқаны туралы жазған едік.
