|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматыдан келген мейірбикелер халықаралық рейс кезінде жолаушының өмірін сақтап қалды, - деп хабарлайды Dauletten.kz.
2025 жылғы 17 тамызда Алматыдан Қазанға бағыт алған әуе рейсінде жолаушының жағдайы күрт нашарлап, ол есінен танып қалды. Ер адамның артериялық қысымы 70/30 мм сын. бағ. дейін төмендеп, тамыры әрең сезілді.
Осы сәтте көмекке Қазан қаласынан келген ультрадыбыстық диагностика дәрігері Наиля Ровкач және Алматы онкологиялық орталығының мейірбикелері — Алтынай Туржановна Картабаева мен Айдильда Сұлтанбекқызы Қонақбаева келді.
Ұшақтың шектеулі жағдайына қарамастан, медициналық бригада дереу инфузиялық терапия жүргізіп, үйлесімді жұмыс көрсетті.
- Мейірбикелердің кәсібилігі мен дәлдігі мені таң қалдырды. Біз көптен бері бір командада жұмыс істеп жүргендей әрекет еттік, – деді Наиля Ровкач.
Көрсетілген жедел көмектің арқасында жолаушы есін жиып, ұшақ шұғыл қонған соң медициналық мекемеге жеткізілді. Ерекше жайт – дәл сол күні науқастың туған күні болған.
Қазандық дәрігер әріптестеріне хат жолдап, алматылық мамандардың жоғары кәсіби дайындығына алғыс білдірді. Оның айтуынша, мұндай кадрларға иелік ету – нағыз бақыт.
