Алматылық оқушы қала тарихымен таныстыратын ерекше қосымша ойлап тапты
24.05.2023
1 мин
1
700
Бұл қосымшаны Google Play және App Store арқылы жүктеп алуға болады. Жобада қала, ел тарихы жөнінде ақпаратты еркін түрде бекітудің екі әдісін енгізу қарастырылған, деп хабарлайды Dauletten.kz Мәдениет және спорт министрлігінің баспаөз қызметіне сілтеме жасап.
«Жоба «Менің қаламның, елімнің тарихын зерттеуде ICT-технологияларды қолдану» деп аталады. Бұл бұған дейін өзім дайындаған екі шағын қосымшаның біріктірілген нұсқасы. Біріншісі-қоғамдық көліктегі ескерту жүйесін жаңарту арқылы қала тарихын таныстыру. Бұл идея қаладағы қоғамдық көліктердегі дыбысты хабарламалар арқылы
тарихи ақпаратты қосу. Екіншісі – «AIALDAMA» мобильді қосымшасы. Мен әзірлеген мобильді қосымшаны пайдаланушы көшені кесіп өткен сәтте көшеге қатысты немесе сол жердегі нысандар туралы ақпарат береді. Жобаның мақсаты-оқушыларға ел тарихын күнделікті өмірде зерттеуге көмектесу. Тарихты білу өте маңызды деп санаймын!», – дейді Тимур Қырбасов.
