Жаңалықтар

“Алтын Орда” базарындағы ақша айналымын бақылауға жаңа жүйе енгізіледі

04.03.2025

1 мин

0

203

Сурет: yandex.kz

Ұлттық экономика министрі Серік Жұманғарин Мәжіліс депутаттарының сұрағына жауап бере отырып, базардағы көлеңкелі экономиканы заңдастыру жолдарын түсіндірді, - деп хабарлайды Dauletten.kz Kazinform сайтына сілтеме жасап.

Ақпарат агенттігінің мәліметінше, Алматыда “Digital Базар” пилоттық жобасы іске қосылуда. “Қазақстан Халық банкі” бұл жоба аясында:

• Сауда нүктелерін жалға алу шоттарын электронды жүргізу және төлеу,
• QR арқылы төлемдерді қабылдау,
• Есеп айырысу-кассалық қызметтерді енгізу,
• Алматыдағы алты базарда цифрлық кредит беру тетіктерін дамыту жұмыстарын қолға алды.

Бүгінгі таңда 1700-ден астам кәсіпкер осы жобаның қатысушысы атанды.

Министр “Алтын Орда” базарының болашағына да ерекше тоқталды.

“Digital Базар” жобасын “Алтын Орда” базарына енгізу жоспарланып отыр. 2024 жылдың желтоқсанында министрлік “Алтын Орда” базары мен Халық банкінің өкілдерімен бірлесіп, базарды цифрландыру мәселелері бойынша кеңес өткізді.

Алдағы уақытта министрлік бұл жүйені Халық банкінің деректер базасымен интеграциялауды көздеп отыр.

Бұл өзгерістер әкімшілік жүктемені азайтуға, төлем жүйесін ыңғайлы етуге, баға ашықтығын қамтамасыз етуге, бонустар мен кэшбэк жүйелеріне қолжетімділікті арттыруға және қызмет көрсету сапасын жақсартуға ықпал етеді, деп мәлімдеді Серік Жұманғарин.