|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақмола облысының полициясы күйеуінің қудалауынан зардап шеккен әйелдің шағымы негізінде тергеу бастады, – деп хабарлайды Dauletten.kz.
Оқиғаның мән-жайы
Ақмола облысында бір әйел күйеуінен жасырынып, басқа қалаға көшуге мәжбүр болды. Алайда, оның айтуынша, Көкшетаудан кеткеніне қарамастан, ер адам оны аңдып, қорқытып келген. НеМолчи қорының мәліметінше, күдікті әйеліне және оның жақындарына қоқан-лоқы көрсетіп, бір хатында оны өлтіріп, денесін бөлшектейтінін жазған.
Қордың ақпаратына сүйенсек, жақында ер адам әйелінің ата-анасына тиесілі көліктің дөңгелектерін тесіп, нөмірлерін жұлып тастап, көлік пен пәтер есіктеріне әдепсіз суреттер қалдырған.
Әлеуметтік желілерде тараған видеода жәбірленуші күйеуінің бірнеше ай бойы қудалап жүргенін мәлімдеген.
- 5 желтоқсанда көлікпен есіктерге зақым келтірді, 5 қаңтарда терезелерді сындырды, 9 ақпанда пышақпен қорқытты, ал 22 және 28 наурызда тағы да әдепсіз суреттер салып, бейнебақылау камераларын бұзуға тырысты, – дейді әйел видеода.
Полицияның жауабы
Ақмола облысының Полиция департаменті бұл оқиғаға байланысты Қылмыстық кодекстің 115-бабы 1-бөлігі (“Қорқыту”) бойынша іс қозғалғанын хабарлады.
- Қазір күдіктіні ұстау және оны ішкі істер органдарына жеткізу бойынша шаралар қолға алынған. Сонымен қатар, жәбірленушінің бұрынғы барлық арызы тіркеліп, олар бойынша тексеру жүргізілуде, – деді ведомство өкілі.
