|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақмола облысында тасқын салдарынан бір ауыл су астында қалып, көлік қатынасы үзілді. Қазір өңірде су тасқынына қарсы шаралар жалғасып жатыр, - деп хабарлайды Dauletten.kz Төтенше жағдайлар министрлігіне сілтеме жасап.
Атап айтқанда, Астрахан ауданында Қалқұтан өзенінің тасуы салдарынан Старый Колутон ауылына қатынау мүмкін болмай қалған.
Министрліктің мәліметінше, құтқарушылар оқшауланған ауылда шұғыл жұмыстарды жалғастырып жатыр.
- Құтқарушылардың үйлесімді жұмысының арқасында өткен тәулікте моторлы қайықтардың көмегімен 21 адам, соның ішінде бір жүкті әйел қауіпсіз жерге жеткізілді. Су басу қаупін азайту мақсатында 1000-нан аса қап инертті материал төселіп, 300 текше метр су сорылды. Сонымен қатар 21 ірі қара мен 100-ге жуық қошқар қауіпсіз жерге көшірілді, – деп мәлімдеді министрлік.
Төтенше жағдайлар вице-министрі Рамиль Камалов оқиға орнына барып, атқарылып жатқан жұмыстармен танысты.
Құтқару жұмыстарына ТЖМ-нің 70-тен аса қызметкері, 20 арнайы техника, сондай-ақ жергілікті атқарушы органдар мен еріктілер жұмылдырылған.
Министрліктің мәлімдеуінше, жағдай толық бақылауда, құтқару және қорғаныс жұмыстары тәулік бойы жүргізілуде.
