|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
АҚШ-тағы президент сайлауы алдында Харрис Трамптан 4%-ға алда келеді, - деп хабарлайды Dauletten.kz.
АҚШ-тың қазіргі вице-президенті, мемлекет басшысы лауазымына Демократиялық партиядан үміткер Камала Харрис өзінің қарсыласы, Республикалық партиядан үміткер Дональд Трамптан 4 пайыздық пунктке алда келе жатыр. Бұл туралы сайлау қарсаңында PBS News / NPR / Marist сауалнамасының нәтижелері көрсетіп отыр.
Сауалнамаға сәйкес, Харрис 51% респонденттің қолдауына ие болса, Трампқа 47% қолдау көрсетілген.
Сауалнама гендерлік айырмашылықтың азайғанын да көрсетті: бұрын Трамп ерлер арасындағы сайлаушыларда 57%-бен көш бастап, Харрис 41%-ды жинаған болатын, қазір ол сауалнамаға қатысқан ерлердің 51% қолдауына ие болып, Харрис 47%-ға жетті. Харристің әйелдер арасындағы басымдығы да азайып, оның 18%-дық артықшылығы 11%-ға дейін қысқарды.
Бұл сауалнаманың негізгі нәтижелері 2020 жылғы көрсеткіштерге ұқсас, сол кезде Демократиялық партияның сайланған президенті Джо Байден 51% респонденттің қолдауына ие болып, ал Трамп 47% дауыс жинаған еді.
Трамп пен Харристің арасындағы ақ нәсілді халық арасындағы қолдау айырмашылығы да Трамп пен Байденнің 2020 жылғы көрсеткішімен салыстырғанда қысқарды. 2020 жылы республикашыл үміткер бұл топта 12%-дық артықшылықпен көш бастаған болса, қазір үміткерлер арасындағы айырмашылық 9%-ды құрайды. Алайда, Харристің қара нәсілді және латынамерикалық халық арасындағы қолдауы Байденнің 2020 жылғы көрсеткішінен төмендегені байқалады.
Сауалнамаға қатысқан сайлаушылардың 55%-ы өз дауыстарын алдын ала берген, ал қалған үштен бірі сайлау күні тікелей дауыс беруді жоспарлап отырғанын айтты.
АҚШ президент сайлауы 5 қарашада өтеді. Соңғы The New York Times сауалнамасының мәліметінше, Трампқа 48% сайлаушы қолдау көрсетсе, Харриске 49% қолдау көрсетілген.
