|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтауда тегін балмұздақ таратқан кәсіпкер жауапкершілікке тартылды, - деп хабарлайды Dauletten.kz.
1 маусым – Халықаралық балаларды қорғау күніне орай Ақтау қаласының 29-шағын ауданында орналасқан "Abu Baby" балалар киім дүкенінің иесі тұрғындарға арналған қайырымдылық акция ұйымдастырды. Іс-шара аясында балмұздақ, тәтті мақта және азық-түлік тегін таратылған.
Алайда, бұл бастама алдын ала жергілікті билікпен келісілмей, рұқсатсыз өткізілген. Салдарынан адам көп жиналып, қоғамдық тәртіп бұзылып, бірқатар балалар ата-анасынан адасып қалған.
Қоғамдық орындарда тәртіп сақталмағаны үшін кәсіп иесіне ҚР Әкімшілік құқық бұзушылық туралы кодексінің 488-1-бабы бойынша 20 айлық есептік көрсеткіш көлемінде (78 640 теңге) айыппұл салынды.
