|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтөбе облысында жоғалған ер адам бір тәуліктен кейін аман-есен табылды. Төтенше жағдайлар министрлігі қызметкерлері оны іздеу-құтқару операциясы барысында анықтады, - деп хабарлайды Dauletten.kz.
Іздеу жұмыстары Ақтөбе облысының Алға ауданында жүргізілді. 1969 жылы туған азамат мал іздеуге деп шаруашылық қожалығынан таңертең шыққан. Алайда кешке дейін оралмаған соң, алаңдаған туыстары құтқарушыларға хабарласқан.
Құтқару тобы екі жол талғамайтын ТРЭКОЛ көлігімен іздеуге шығып, төрт сағаттан кейін ер адамды басқа шаруашылық аумағынан тапты.
- Ол зардап шекпеген. Телефонының қуаты таусылып, қарда жүретін көлігі батып қалғандықтан, бірнеше шақырым жаяу жүріп, жақын маңдағы қожалыққа жеткен, – делінген хабарламада.
Құтқарушылар оны Көктоғай кентіне жеткізді.
