|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтөбе қаласының Алматы ауданындағы Ақжар көшесінде орналасқан автогаз құю станциясында өрт шығып, газ-ауа қоспасы жарылды. Оқиға салдарынан зардап шеккендер тіркелген жоқ, - деп хабарлайды Dauletten.kz.
Қазақстан Республикасы Төтенше жағдайлар министрлігі таратқан ақпаратқа сәйкес, төтенше жағдай алдымен жер үстіндегі резервуарлардың бірінде газ-ауа қоспасының жарылуынан басталған. Күшті жарылыстан кейін жалын екінші цистернаға, маңайда тұрған газ тасымалдайтын автокөлікке және операторлық ғимаратқа тараған.
Құтқару бөлімшелері оқиға орнына жедел жетіп, өртті сөндіруге кіріскен. Мамандар жоғары қауіп жағдайында жұмыс істеді. Себебі кез келген сәтте қайталама жарылыс болуы және оттың өзге нысандарға таралу қаупі сақталған.
Өртті толық ауыздықтау үшін шамамен 60 қызметкер мен 16 арнайы техника жұмылдырылды. Жедел әрекеттің арқасында тілсіз жау толық сөндірілді.
Ресми мәлімет бойынша, оқиға салдарынан қаза тапқандар мен зардап шеккендер жоқ. Қазіргі уақытта тиісті қызметтер өрттің шығу себептерін анықтап жатыр.
