|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтөбе облысында қоғамдық тамақтану нысанында болған жарылыс салдарынан бірнеше адам жарақат алып, медициналық мекемеге жеткізілді, - деп хабарлайды Dauletten.kz.
Оқиға 19 қаңтар күні кешкі уақытта Ақтөбе облысының Хромтау қаласында тіркелді. Жұбанова көшесінде орналасқан жеке тұрған қоғамдық тамақтану орнында газ құрылғысының жарылысы болғаны хабарланды.
Жарылыстың салдарынан ғимараттың бір бөлігі қирап, шамамен 80 шаршы метр аумақ зақымданған. Қазіргі таңда оқиғаның нақты себептері анықталып, тиісті тексеру жұмыстары жүргізіліп жатыр.
Облыстық денсаулық сақтау басқармасының мәліметінше, түрлі дәрежедегі күйік жарақаттарын алған бес адам Хромтау аудандық ауруханасына жеткізілді. Олардың бірі жансақтау бөлімінде, қалғандары травматология бөлімшесінде ем қабылдауда. Дәрігерлер науқастарға барлық қажетті медициналық көмекті көрсетіп жатыр.
Жағдай құзырлы органдардың бақылауында.
